أحداث وسياسة، بلغة “التكركير” (6)

الحسن شلال13 أبريل 2022آخر تحديث : منذ 8 أشهر
الحسن شلال
كاريكاتيروجهة نظر

تمغربيت:

الحسن شلال*

السعيد شنقريحة في آخر خرجة أو لنقل آخر نكتة تعليقا على مسرحية الشاحنات.. وصف المغرب بالأخ والشقيق!! سبحان مبدل الأحوال: ماشي بزاف هادي باش قال أن المغرب هو العدو الكلاسيكي !!
تزير الحال بزاف على شياطين شمال افريقيا. واش فهمتوا علاش بلينكن دوز 26 دقيقة مع تبون برك؟ كان فيها تجباد الودنين (اعطا الكلمة لتبون باش يشكي ويبكي ويعبر كيف بغى…ثم قرصلوا ودنيه بجوج كلمات .. والدق تم).

تقرير خااانز من وزارة الخارجية الأمريكية عن وضع حقوق الإنسان بالجزائر. أيام كحلة تنتظر الجزائر…أصبحت معزولة ومذمومة…لا هي أرضت روسيا ولا هي وافقت أمريكا ولا هي بقات مزيانة مع اسبانيا والاتحاد الأوربي.”

 رئيس الوزراء الإيطالي، في زيارة لدزاير…عجبوا داك البغل الأصيل اللي هداوه ليه. الحقيقة أن الغاز الدزايري الرخيص هو مربط البغل عفوا مربط الفرس.
ناري اش غادي يهديوا ليه هاد المرة.”

“نبقى نبقى و نتفكر الدكتور الصنايبي نقلا عن الطاهر الزبيري…بومدين كوزير الدفاع زمن بن بلة…ما فتحوش ليه الباب ديال الكازيرنا وهو يتشبط مع الحيط مين وصل الفوق لقى واحد العسكري منيش عليه  قالوا تنزل ولا نقسم باباك على ربعة
زعما كانوا خوت فالمغرب…المغرب يجمع ويوحد…غي مشاوا لدزاير رجعوا لأصلهم .. ماكاين غي الغدر والنفاق”

شوفو الأخبار كيدايرة فبلاد هوك…

قالك انباء متداولة…يعني بدون مصدر. يعني إشاعة يا المكلخين…عن سقوط طائرة ميراج مغربية بين الحدود الصحراوية والموريتانية   ماطاحت لا فالجمهورية الصحراوية ولا فموريتانبا  اوا فين طاحت ؟؟؟

على أي عجبتني هاديك الجمهورية الصحراوية حيث الدزايري يقراها أو مافاهمش باللي ارض جزايرية مشااات لباباه …

الناشر والقارئ بجوج رفع عنهم القلم ويعدون من نواقض الوضوء”

” زين السمية قال لبلينكن بأن شبه الدولة الجزائرية تستورد الحليب بودرة وتخلطه بالماء …فكرني بداك الدرس الفلسفي حول السفسطائية و المثال المشهور ( داك المحامي السفسطائي المدافع عن بائع الحليب الذي يخلط الحليب بالماء حيث برئه بالقول التالي : سيدي القاضي…القانون اليوناني يحرم خلط الحليب بالماء أي نعم سيدي القاضي لكن موكلي خلط الماء بالحليب راه ربما فدزاير اصبحوا يخلطون الماء بالحليب وليس العكس”

وأخيرا، من بين 54 دولة افريقية…الدينار الدزايري المبهدل في المرتبة 23…الدرهم المغربي في الرتبة 4 أقوى عملة في افريقيا. إيوا شكون القوة الضاربة وشكون القوة المضروبة ؟ “

 

 

اترك تعليق

لن يتم نشر عنوان بريدك الإلكتروني.الحقول الإلزامية مشار إليها بـ *


شروط التعليق :

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.