تمغربيت:

بقلم الأستاذ: أحمد الدافري

رئيس أركان الحرب في الوسط زعما أنا هو الشخصية المهمة.

ورئيس الجمهورية على اليمين.

ورئيس الوزراء على اليسار.

هاذ المسطولين طايرين بالفرحة هاذ اليومين.

علاش؟

حيت جابو واحد المتلوف اسمو بنبطوش من تندوف.. وجابو رئيس موريتانيا من نواكشوط، وجابو واحد اسمو المنفي رئيس مجلس حكومي كيحكم غرب ليبيا للي مقسومة على جوج.. وجابو واحد الرئيس اسمو قيس السعيد الخبار راه فراسكم بلا ما نتكلمو عليه مسكين..

وتصوروا معهم.

والإعلام ديالهم هو والإعلام ديال الأستاذ قيس السعيد بقى يطبل ويزغرت ويفرح ويشطح ويقول :ل”قد تم عزل المغرب من اتحاد المغرب العربي” .

دابا المغرب عندو ميناء فطنجة هو الأكبر في إفريقيا والبحر الأبيض المتوسط وللي كيتعامل سنويا مع أكثر من 9 مليون كونطونير من الحجم الكبير.. وعندو 12 ميناء آخر مفتوحين على التجارة الخارجية، منها موانئ الدار البيضاء، المحمدية، الناظور، الجديدة الجرف الأصفر، آسفي، أكادير، العيون، وميناء الداخلة للي الخدمة فيه بالليل والنهار باش يكون واجد من بعد ثلاث سنوات.. وغادي يكون مفتوح على الولايات المتحدة الأمريكية، وهاذو قالوا لك صافي، النظام الملكي المغربي غادي يولي معزول، وما غاديش تبقى تتعامل معه اقتصاديا

ليبيا الغربية وتونس وموريتانيا ولالجيري وتندوف، وغادي يموت بالجوع .

امشينا فيها.

وهذا ما كان.